ភ្នំពេញ៖ រាជរដ្ឋាភិបាលបានផ្ដល់ប្រាក់ជូនដល់គ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធជំងឺកូវីដ-១៩ ចាប់ពីថ្ងៃទី២៥ ខែមិថុនា ឆ្នាំ២០២០ រហូតដល់ថ្ងៃទី២៤ ខែវិច្ឆិកា ឆ្នាំ២០២១ អស់ ៥០១,២៤លានដុល្លារអាមេរិក។
ក្រសួងសង្គមកិច្ចបានឱ្យដឹងថា ចាប់តាំងពីអនុវត្តកម្មវិធីឧបត្ថមសាច់ប្រាក់មកដល់ពេលនេះរដ្ឋាភិបាលបានបើកជូនពលរដ្ឋចំនួន ៦ជុំរួចមកហើយ ទៅដល់គ្រួសារក្រីក្រ និងងាយរងគ្រោះចំនួន ៦៨២ ៣២៨គ្រួសារ ដែលបានជួយដល់ពលរដ្ឋចំនួនជិត៣លាននាក់ (២ ៦៩១ ៩៤៤)។
កាលពីថ្ងៃទី២៤ ខែមិថុនា ឆ្នាំ២០២០ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រកាសដាក់ឱ្យអនុវត្តជាផ្លូវការនូវកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឹកូវីដ១៩។
រហូតមកដល់ពេលនេះកម្ពុជាបានផ្ដល់សាច់ប្រាក់ជូនពលរដ្ឋងាយរងគ្រោះចំនួន ៧ជុំ ដែលមាន ១៦លើករួចមកហើយ ខណៈការបើកផ្ដល់សាច់ប្រាក់ជុំទី៧ លើកទី២ នឹងចាប់ផ្ដើមពីថ្ងៃទី២៥ ខែវិច្ឆិកានេះ រហូតដល់ថ្ងៃទី២៤ ខែធ្នូ ឆ្នាំ២០២១៕
ព័ត៌មានជាច្រើនទៀតសម្រាប់អ្នក
